Bywnans Kernewekka

Kurunviras yw 'Lurgy Bras' agan termyn, mes dhe'm brys vy nyns eus skila vyth dhe leverel bos an norvys dihaval dredho. Wor'tiwedh y fydh ev lehes ha degemmerys avel onan moy y'n rol hir a glevesow yw argoll rag pubonan pub dydh, avel Influenza. Nyns yw terroes ha nyns yw treylva yn plolitigiethek saw ni dh'y wul yndella. Mars eus hwans dhyn y dhevnydhya avel askus a-barth chanj, gwren ni yndella, mes nyns eus travyth dihaval es kyns, y'm brys vy, yw res yn Kernow. Res yw dhyn Senedh Kennedhlek; henn yw an dhallethva. Res yw aswonnans gans Governans UK nag usi Kernow rann Pow Sows, hag yw leverys yn lagha Predenek. Res yw aswonnans laghel a'n dus ha difresyans laghel a'ga Yeth. Wosa an traow na, ni a yll dalleth drehevel Kernow gwell.